WHAT: អង្គការអុកស្វាម និងមជ្ឈមណ្ឌលធនធានសោតទស្សន៍បុប្ផាណា មានសេចក្តីសោមនស្សរីករាយសូមគោរពអញ្ជើញតំណាងស្ថាប័នសារព័ត៌មាន ចូលរួមក្នុងកម្មវិធីសម្ភោធខ្សែវីដេអូឆ្លុះបញ្ចាំងអំពីផលប៉ះពាល់នៃជំងឺកូវីដ១៩ ដល់កម្មករសេដ្ឋកិច្ចក្រៅប្រព័ន្ធ និងសារៈសំខាន់នៃកិច្ចគាំពារសង្គមសម្រាប់ពួកគាត់។ ការចាក់បញ្ចាំងនេះជាផ្នែកមួយនៃមហោស្រពភាពយន្តអន្តរជាតិកម្ពុជាលើកទី១១ផងដែរ។
WHEN: ម៉ោង ៤ រសៀល - ៨ យប់ ថ្ងៃទី២៩ ខែមិថុនា ឆ្នាំ២០២២
WHERE: មជ្ឈមណ្ឌលធនធានសោតទស្សន៍បុប្ផាណា
WHO: កិច្ចពិភាក្សាសំណួរចម្លើយជាមួយកម្មករសេដ្ឋកិច្ចក្រៅប្រព័ន្ធ និងអង្គការដៃគូ។ សូមមើលរបៀបវាវៈខាងក្រោមសម្រាប់ព័ត៌មានបន្ថែម។
WHY អង្គការអុកស្វាមកម្ពុជា សហការជាមួយមជ្ឈមណ្ឌលធនធានសោតទស្សន៍បុប្ផាណា ក្នុងការផលិតវីដេអូខ្លី និងកម្រងរូបភាព របស់អ្នកធ្វើការក្នុងសេដ្ឋកិច្ចក្រៅប្រព័ន្ធ អ្នកធ្វើការតាមផ្ទះ អ្នកធ្វើការក្នុងវិស័យសេវាកម្សាន្ត និស្សិត/យុវជន ជនមានពិការភាព និងមនុស្សចាស់ ក្នុងគោលបំណងបង្ហាញពីសំឡេងរបស់ពួកគេទៅដល់សាធារណជន ជាពិសេសទៅដល់ក្រសួង និងស្ថាប័នពាក់ព័ន្ធនានា។ វីដេអូខ្លី និងកម្រងរូបភាពទាំងនេះ ឆ្លុះបញ្ចាំងអំពីផលប៉ះពាល់នៃជំងឺកូវីដ-១៩ មកលើជីវិតរស់នៅរបស់ពួកគេ និងអំពីតម្រូវការផ្នែកកិច្ចគាំពារសង្គម ដើម្បីឲ្យស្ថានភាពជីវិតរបស់ពួកគេមានភាពប្រសើរជាងមុន។
ដើម្បីសម្រួលដល់ការរៀបចំកម្មវិធី សូមលោលអ្នកជូនដំណឹងអំពីការចូលរួមរបស់អ្នកត្រឹមម៉ោង ៤រសៀល ថ្ងៃទី២៨ ខែមិនថុនា ឆ្នាំ២០២២ ទៅកាន់លោកពិសិដ្ឋ តាមទំនាក់ទំនងខាងក្រោម។
មជ្ឈមណ្ឌលបុប្ផាណា៖ លោក ទៀង ពិសិដ្ឋ | ០១០ ៧៧៥ ១៥១ | piseth.tieng@bophana.org
អង្គការអុកស្វាម៖ លោកស្រី កេក ណារ៉ាទេវី | ០១២ ៨៤៧ ៤១២ | Naratevy.Kek@oxfam.org