អង្គការអុកស្វាម៖ មេរោគកូវីដ រុញច្រានប្រជាជន ជាង៥០០លាននាក់ ទៅក្នុងភាពក្រីក្រ
អង្គការអុកស្វាមបានលើកឡើងថា ប្រជាជនជាង៥០០លាននាក់ អាចនឹងធ្លាក់ទៅក្នុងភាពក្រីក្រ ប្រសិនបើមិនមានវិធានការបន្ទាន់ណាមួយ ដើម្បីជួយដល់ប្រទេសក្រីក្រជាច្រើនដែលទទួលរងផលប៉ះពាល់ផ្នែកសេដ្ឋកិច្ច ដោយសារការរីករាលដាលនៃមេរោគកូវីដ១៩។
មុនជំនួបប្រជុំលក្ខណៈអន្តរជាតិនាសប្តាហ៍ក្រោយនេះ អង្គការអុកស្វាមបានលើកឡើងពីផលប៉ះពាល់នៃការបិទសេដ្ឋកិច្ចក្នុងទិសដៅចការពារការរីករាលដាលមេរោគកូវីដ ដែលនេះគឺជាភាពប្រថុយប្រថានក្នុងការដើរថយក្រោយនៃការលប់បំបាត់នូវភាពក្រីក្រ ដែលទូទាំងពិភពលោកបានប្រឹងប្រែងជាច្រើនទស្សវត្សកន្លងមក ក៏ដូចជាការប្រយុទ្ធប្រឆាំងទៅនឹងភាពក្រីក្រអស់រយៈពេល ៣០ឆ្នាំ នៃប្រទេសដែលលំបាកខ្លាំងដូចជា អនុតំបន់សាហារានៅអាហ្វ្រិក អាហ្វ្រិកខាងត្បូង និងមជ្ឈឹមបូពា៍។
របាយការណ៍របស់អង្គការអុកស្វាម ដែលបានចេញផ្សាយមុនពេលកិច្ចប្រជុំរដ្ឋមន្ត្រីហិរញ្ញវត្ថុ មកពីប្រទេសរីកចម្រើន និងកំពុងរីកចម្រើនទាំង២០ មូលនិធិហិរញ្ញវត្ថុអន្តរជាតិ និងធានាគារពិភពលោក បានលើកឡើងថា នៅពេលដែលការរីករាលដាលនៃមេរោគកូវីដចប់ ប្រជាជនពាក់កណ្តាលពិភពលោក ស្មើនឹង ៧ពាន់៨រយលាននាក់ អាចនឹងត្រូវរស់នៅក្នុងភាពក្រីក្រ។
ការស្រាវជ្រាវដែលធ្វើឡើងដោយសាកលវិទ្យាល័យ King’s College London និងសាកលវិទ្យាល័យ Australian National University លើកឡើងថា ការធ្លាក់ចុះចំណូល ២០% ពីការធ្លាក់ចុះដោយសារមេរោគកូវីដ១៩ អាចរុញប្រជាជន ៥៤៨លាននាក់ថែមទៀតឲ្យធ្លាក់ក្នុងក្នុងកម្តិតចំណូលក្រោម ៥.៥ ដុល្លា ក្នុងមួយថ្ងៃ ដែលជាកម្រិតរង្វាស់មួយ ក្នុងចំណោមកម្រិតរង្វាស់ភាពក្រីក្ររបស់ធនាគារពិភពលោក។
នៅក្នុងកិច្ចប្រជុំប្រទេសទាំង ២០ មូលនិធិរូបិយវត្ថុអន្តរជាតិ និងធនាគារពិភពលោក នឹងពិភាក្សាអំពីផែនការបន្ធូរបន្ថយបំណុល ដល់ប្រទេសក្រីក្របំផុតក្នុងពិភពលោក និងពិភាក្សាអំពីថាតើគួរត្រូវបង្កើនមូលនិធិសម្រាប់មូលនិធិហិរញ្ញវត្ថុអន្តរជាតិ តាមរយៈទម្រង់រូបិយវត្ថុអន្តរជាតិ (special drawing rights (SDRs)) ដែលអាចត្រូវបានប្រើប្រាស់ដើម្បីជួយដល់ប្រទេសដែលកំពុងលំបាក។ អង្គការសហប្រជាជាតិបានលើកឡើងថា ការងារជិតពាក់កណ្តាលអាចត្រូវបានបាត់បង់នៅអាហ្វ្រិក ហើយក៏បានលើកឡើងដែរថា ត្រូវការថវិកាចំនួន ២.៥ ទ្រីលាន ដើម្បីជួយប្រទេសកំពុងអភិវឌ្ឍក្នុងគ្រាមានគ្រោះអាសន្ននេះ។
អង្គការអុកស្វាម បានអំពាវនាវឲ្យមានកញ្ចប់សង្គ្រោះបន្ទាន់ ដែលអាចជួយឲ្យប្រទេសក្រីក្រ មានលទ្ធភាពផ្តល់មូលនិធិជាសាច់ប្រាក់ ដល់អ្នកដែលបាត់បង់ប្រាក់ចំណូល និងដើម្នីជួយដល់អ្នកប្រកបអាជីវកម្មខ្នាតតូចដែលងាយរងគ្រោះ។ អង្គការអុកស្វាម បានបញ្ជាក់ថា ថវិកាសម្រាប់កញ្ចប់សង្គ្រោះបន្ទាន់នេះ អាចមកពីវិធានការផ្សេងៗគ្នា ដោយរួមទាំងការលប់ចោលនូវបំណុល ១ទ្រីលាន ពីបណ្តាប្រទេសកំពុងអភិវឌ្ឍ និងការបង្កើតយ៉ាងហោចណាស់ ១ទ្រីលាន នៃរូបិយវត្ថុអន្តរជាតិ (SDRs) ។
សំណើរបង្កើត ៥០០ប៊ីលាន SDRs រាំងស្ទះដោយសហរដ្ឋអាមេរិក ដោយសំអាងថាថវិកាមួយចំនួនធ្លាក់ទៅប្រទេសអ៊ីរ៉ង់។ ផែនការបន្ធូរបន្ថយបំណុលច្រើនទៀត ដោយមិនរាប់បញ្ចូលការបង់ប្រាក់ដែលជំពាក់ឥណទានវិស័យឯកជន គឺសម្រាប់យកទៅពិភាក្សា។
លោក José María Vera នាយកប្រតិបត្តិស្តីទីអន្តរជាតិរបស់អង្គការអុកស្វាម បាននិយាយថា “ពិភពលោកកំពុងតក់ស្លុត ចំពោះការធ្លាក់ចុះផ្នែកសេដ្ឋកិច្ចដោយសារការរីករាលដាលនៃមេរោគកូវីដ។ ប៉ុន្តែសម្រាប់ប្រជាជនក្រីក្រក្នុងប្រទេសក្រីក្រ ដែលបានកំពុងប្រឹងប្រែងតស៊ូដើម្បីរស់រានមានជីវិត សឹងតែមិនមានសំណាញ់សុវត្ថិភាពជួយទប់ពួកគេកុំឲ្យធ្លាក់ក្នុងភាពក្រីក្រឡើយ។ រដ្ឋមន្ត្រីហិរញ្ញវត្ថុមកពីប្រទេសទាំង ២០ មូលនិធិរូបិយវត្ថុអន្តរជាតិ និងធនាគារពិភពលោក ត្រូវផ្តល់ថវិកាជាបន្ទាន់ដល់ប្រទេសកំពុងអភិវឌ្ឍ ដើម្បីជួយប្រទេសទាំងនេះឈានចេញពីភាពក្រីក្រ និងភាពងាយរងគ្រោះ” ។
ប្រទេសអ្នកមានជាច្រើន ដូចជាចក្រភពអង់គ្លេស និងសហរដ្ឋអាមេរិក បានដាក់ចេញនូវកញ្ចប់លើកទឹកចិត្តផ្នែកសេដ្ឋកិច្ចទ្រង់ទ្រាយធំ ជួយដល់សហគ្រាស និងនិយោជិក ប៉ុន្តែអង្គការអុកស្វាមបាននិយាយថា ប្រទេសកំពុងអភិវឌ្ឍភាគច្រើនខ្វះអំណាចផ្នែកហិរញ្ញវត្ថុដែលមិនអាចធ្វើដូច្នេះ។
Note: This is an unofficial translation from the article published by The Guardian. The English version is here: Coronavirus could push half a billion people into poverty, Oxfam warns.
“ពិភពលោកកំពុងតក់ស្លុត ចំពោះការធ្លាក់ចុះផ្នែកសេដ្ឋកិច្ចដោយសារមេរោគកូវីដ។ ប៉ុន្តែសម្រាប់ប្រជាជនក្រីក្រក្នុងប្រទេសក្រីក្រ ដែលបានកំពុងប្រឹងប្រែងតស៊ូដើម្បីរស់រានមានជីវិត សឹងតែមិនមានសំណាញ់សុវត្ថិភាពជួយទប់ពួកគេកុំឲ្យធ្លាក់ក្នុងភាពក្រីក្រ”